بسم الله الرحمن الرحيم
اهلا بكل اعضاء وزوار المنتدي الكرام
اولا بتمني ليكم التوفيق والخير في كل وقت ومكان
وعايزة اتكلم شوية بعد ازنكم معاكم واتمني تستحملوني لحد الاخر
انتو دلوقتي في منتدي فارس نت منتدي لسة في بداياته
يعني عامل زي الطفل الصغير
والطفل الصغير اكيد بيكون محتاج اهتمام ورعاية من كل اللي حواليه عشان يكبر ويترعرع
حلوة (يترعرع) دي
المهم
منتدانا ده مش هيكبر الا بيكو يا اعضاء المنتدي
والزوار نتمني يسجلو معانا ويشاركو بمواضيع قيمة ومفيدة
عشان ننهض بمستوي منتدانا دايما ونجعله منتدي رائع بأزن الله
ونتمني ان المشاركات تكون قيمة وذات منفعة
يا جماعة المنتدي ده منتداكو
المنتدي ده ابنكو
ومش هيكبر الا بيكم وبأرائكم وبردودكم
هتقولولي طب والاقتراحات لو عايزين نحطها
هقولكم الاقتراحات ليها منتدي مخصوص ليها وهناخد المفيد منها في عين الاعتبار
هتقولولي طب عايزين نكون مشرفين علي اقسام معينة
هقولكو واحنا محتاجين مشرفين ياسيدي وليها برده منتدي مخصوص تقدم فيه طلبك ولازم تكون مشارك في المنتدي طبعا بمواضيع وردود عشان تكون مشرف وتهتم بالقسم اللي هتمسكه
طب واحد يجي يقولي طب انا عايز او عايزة اعمل منتدي جديد وابقي انا مشرفته
اقوله يا سيدي مفيش مشاكل ادام المنتدي ده مش مخالف لقوانين المنتدي ومش مخل بالتقاليد والدين
واحد يقولي بس معنديش وقت ادخل علي المنتدي
اقوله طب فيها ايه لو تدي المنتدي ولو ساعة كل اسبوع تشارك فيه وتكبره وتتابع اخواتك ونعمل صداقات مع بعضنا هنا
وهو تشارك وتكسب اصدقاء
واحد يقولي طب ما المنتدي لسة بيتطور ولسة صغير وبيبدأ
هقوله طب ماهو هيكبر بيك وبيا وبينا كلنا
هيكبر بمواضيعنا ومشاركتنا وردودنا
هيكبر وهنفرح بيه
أظن كدة بقي مالكش حجة انك تشترك وتشارك في منتدانا
اادخل رد عليا وقولي ايه حجتك بقي
تقدر تقولي
يالا بسرعة ردو وشاركو بمواضيع
قول والله العظيم لاشترك
والله العظيم لأشترك
اديك حلفت
قول اقسم بالله لحط رد علي الموضوع
اقسم بالله لحط رد علي الموضوع
اديك اقسمت
قول والله العظيم لأشارك في المنتدي مشاركة مش مخالفة واحط مواضيع
والله العظيم لأشارك في المنتدي مشاركة مش مخالفة واحط مواضيع
اديك حلفت واقسمت واكيد مش هتضحك علي ربنا
عايزة مشاركة جامدة وفعالة في المنتدي
مع تحياتي
